I samsvar av plan og bygningslova (pbl) § 12-8 varslast utviding av plangrense for områderegulering for Forlandsvågen, gbnr. 115/3 m. fl. – Forland, Øygarden kommune. PlanID: 124520170005 og saksnummer 20/3963. Det sendast ut ei avgrensa varsling til dei som vert råka av utvidinga.
Reguleringsplan
Ein reguleringsplan består av arealplankart med tilhøyrande føresegner og planskildring som syner bruk, vern og utforming av areal. Ein reguleringsplan fastsett framtidig arealbruk for området og er ved kommunestyret sitt vedtak bindande for nye tiltak eller utviding av eksisterande tiltak.
Områderegulering vert nytta av kommunen der det er krav om slik plan i kommuneplanens arealdel, eller kommunen finn at det er behov for å gi meir detaljerte områdevise avklaringar av arealbruken. Områderegulering utarbeidast av kommunen. Kommunen kan likevel overlate til andre myndigheiter og private å utarbeide forslag til områderegulering. Forslagsstillar og konsulent B Telle Trearbeid AS er forslagsstillar, saman med Øygarden kommune. Ard arealplan as er konsulent for reguleringsplanarbeidet.
Historikk
Det vart varsla oppstart av planen fyrste gong i 2013. I juni 2019 vart planen sendt til 1. handsaming, men vart ikkje handsama då kommunen vurderte at materiellet ikkje var tilstrekkeleg. Det arbeidast no med å revidere materiellet etter kommunen sine tilbakemeldingar og innspel, slik at planen kan ferdigstillast og sendast inn til 1. gongs handsaming. Merknadar som har vorte sendt inn tidlegare vert teken med vidare, og treng ikkje sendast inn på nytt. Tidlegare innsende merknadar følger saka, og vert svart ut når planen vert lagt ut etter 1. gongs handsaming.
Planområdet
Planområdet ligg rundt Forlandsvågen sør i Øygarden kommune, tidlegare Sund kommune. Planområdet har naust i langs store delar av arealet som grensar til sjø, bustadfelt innerst i vågen og næringsområde i aust. Plangrensa er sett i samarbeid med Øygarden kommune, som har sett krav om heilskapleg planlegging av Forlandsvågen under éin plan.
Storleiken på planområdet er på om lag 233,0 daa.
Området er i gjeldande kommuneplan regulert til 1)bustader 2) andre typer bygg og anlegg, 3) kombinert bustad og anleggsføremål, 4) LNRF areal, 5) friluftsområde, 6) spreidd bustad,7) bruk og vern av sjø og vassdrag med tilhøyrande strandsone og 8) småbåthamn.
Planarbeidet sitt føremål
Føremålet med planarbeidet er å leggje til rette for om lag 25 nye bustader, ny småbåthamn, ny kollektivhaldeplass, badeplass og regulere eksisterande naust-, nærings- og bustadområder i høve til dagens bruk.
Føremålet med utvidinga er å legge til rette for kollektivhaldeplass for området. Dette vart gjort etter tilbakemelding frå Skyss da dagens løysning ikkje er i tråd med dagens krav for busshaldeplass eller snuplass til busser. Området som er tenkt til kollektivhaldeplass er avsett til spreidd bustad i kommuneplanen, og vil difor og sjå på moglegheita for å tilretteleggje for bustadar.
Merknader til varsel om oppstart
Vi inviterer til samarbeid og medverknad i den komande planprosessen. Meir informasjon finn ein på nettsida www.ardarealplan.no. Innspel eller merknader som angår planens løysingar eller som gjeld særlege behov kan sendast skriftleg eller elektronisk til:
Ard arealplan as
c/o Spaces Media City,
Lars Hilles gate 30
5008 Bergen
E-post: post@ardarealplan.no
Det er ikkje naudsynt å sende kopi av merknader til Øygarden kommune. Alle mottatte dokument, merknader og andre innspel vil verte sendt til Øygarden kommune saman med planforslaget. Merknadar som har vorte sendt inn tidlegare vert teken med vidare, og treng ikkje sendast inn på nytt.
Varslinga av utvidinga ligg òg på Øygarden kommune si heimeside med følgjande lenke: https://www.oygarden.kommune.no/tjenester/innsyn-og-naring/kunngjeringar-oghoyringar/, og på Ard arealplan as si nettside.
Merknadsfrist
Frist for merknader er sett til 10.05.2023. Fristen er 3 veker i samsvar med lovpålagte krav.
Videre saksgang
Etter merknadsfristen vil forslag til reguleringsplan verte utarbeid. Forslaget vert deretter sendt til Øygarden kommune for sakshandsaming. Etter fyrste gongs handsaming vert planen lagt ut på høyring og offentleg ettersyn i seks veker. Det vil då vere høve til å kome med merknader til planforslaget før vidare politisk handsaming.
